What am I doing

Доколку ви е досадено од вашата позадина, а едноставно ве мрзи да ја менувате на секое и воедно сте корисник на некоја  GNU/Linux дистрибуција, тогаш има лек за вашите маки! И тоа повеќе начини да го постигнете тоа!

Пред да започнеме, секако дека ќе треба да имате голема колекција на позадини за работната површина. Препорачани локации за превземање на позадини се gnome-look.org, kde-look.org, linuxwallpapers.org како и автоматскиот начин кој што ќе го демонстрирам сега.

Прво треба да креирате папка во вашиот домашен директориум т.е ~ која што ќе ја наречиме Pozadini

mkdir ~/Pozadini
cd ~/Pozadini

Нареден чекор е поврзување на FTP серверите на gnome.org:

ftp ftp.gnome.org

Серверот ќе ве праша да внесете корисничко име и лозинка, за првото напишете anonymous, а за второто само притиснете ентер.

Сега ќе треба да дојдеме до нивната папка со позадини:

cd /pub/GNOME/teams/art.gnome.org/backgrounds

Ќе треба да го исклучите предупредувањето што ќе ве прашува дали сакате да ја симнете секоја поединечна датотека т.е. слика:

prompt off

И на самиот крај ќе треба да ги симнете сите позадини во зависност од големината на вашиот екран, на пример за 1024*768 резолуција ќе треба да пишете:

mget *1024×768.jpg

Скрипта за изменување

Оваа метода користи скрипта превземена од Ubuntu форумите. Сѐ што ќе треба да направите е да ја симнете скриптата (десен клик па save as и зачувајте ја во $HOME) и потоа направете ја да може да се изврши. Отворете терминал и впишете:

chmod a+x ~/changer

Ќе треба да го симнете gnome-schedule (ако сте на Ubuntu/Debian и користите Firefox, само кликнете на линкот погоре, другите пребарајте го вашиот менаџер на пакети) или пак понапредните корисници ќе можат рачно да постават cron работа.

За понатамошни детали, погледнете го туторијалот на Lifehacker веб-страната.

Webilder

Webilder ви доставува вчудоневидувачки позадини на вашата GNU/Linux работна површина, директно од Flickr и од Webshots на тој начин што ќе одберете позадини со клучни зборови („тагови“) ќе бидат сметнувани автоматски и ќе се појавуваат на вашиот монитор како специфицирање на тоа во кој временски период да се изменуваат.

Овде нема да ви требаат позадините од gnome.org  сѐ е автоматски!

Земете го изворниот код или погледнете ги инструкциите за секоја дистрибуција посебно.

Видео туторијал:

Wallpapoz¹

Wallpapoz e програма која што ќе ви помогне да ја конфигурирате вашата gnome работна површина многу уникатно. Освен можноста за изменување на позадини по одредено време  има и можност за поставување на позадини по работни околини (workspaces). Со тоа што ќе имате различни позадини и ќе си го поедноставите работењето поради тоа што ќе знаете според која позадина што има таму :)

Пред да ја снимите, треба да ги снимите овие пакети од кои што зависи самата програма:

sudo apt-get install python-gnome2 python-imaging python-gtk

Земете го изворниот код и одзипувајте ја содржината:

tar -xzf wallpapoz-0.4.1.tar.bz2

Инсталирајте:

cd wallpapoz-0.4.1
sudo python setup.py install

(преку Softpedia)

Посетете ја домашната и официјална страна на Wallpapoz за повеќе информации.

Оригинален запис од hehe2.net.

1. Внимание, апликацијата повеќе не добива надградби! [↩]

PyRoom е една прекрасна програма (базирана на WriteRoom за Mac OS X) која што ви овозможува да пишувате текст без никава дистракција од останатите програми, што навистина е добро како лек против одложување (прокрастинација). Замислете почнувате да пишувате во vi, Emacs, Gedit, Notepad или било која програма која што ја користите и туку гледате во вашиот клиент, дека ви стигнало email порака, или некој ви пишува инстант порака, или баш ви текна за тоа супер видео на YouTube. Се разбира дека секој „нрд” може да се справи со vi(m) и со Emacs во фулскрин мод но дали обичен корисник ќе сака се мачи да учи да управува со vi или со Emacs а му треба само за да пише некој мејл без да му сметаат други програми.
>> Види чудо =) кој ми пишува сега?
И така во целата таа возбуда ќе изгубите смисла во тоа што сте го пишувале до тогаш ќе ви се здосади, и ќе го оставите „за подоцна” (барем знам дека мене тоа постојано ми се случува).
Е сега, не е наменет за пишување во некој програмски јазик (што се разбира можете да го направите) – затоа што нема syntax highlighting (има само за LaTeX сега засега, погледнете како изгледа овде и уште неколку важни опции, но не верувам дека тоа многу би ве спречило во намерата ако сте упорни :) , туку е наменет за пишување на некој запис, некоја email порака, некој реферат итн.
Интересно е тоа што има повеќе теми кои што можат да се сменат преку прозорецот за преференци Ctrl+P и во јазичето за теми. Има неколку убави теми понудени таму, а можете и да си креирате тема по ваш мерак. Во истиот прозорец можете да го подесите клиентот автоматски да зачувува копија од вашата текстуална датотека откако ќе помине определен временски рок, можете да дефинирате колку пиксели ќе изнесува разликата помеѓу два нови реда и дали да се испишуваат броевите на линиите/параграфите од левата страна.
Една од работите што ми е интересна е тоа што WriteRoom не е бесплатна програма – чини $25 а ја врши потполно истата функција со ова слободно програмче изработено во Python (можеби во нешто се разликуваат и WriteRoom е подобра, но сепак не би плаќал пари за нешто што е бесплатно). Поради тоа што бев задоволен од него, го преведов на македонски на Launchpad. Единствената работа од оваа програма од што не сум задоволен е тоа што неможе да ги исклучи останатите дистракции во надворешноста, како телевизорот, телефонот, звончето на вратата, учењето итн итн… :D
Само се шегувам, навистина вреди да се испроба – баш овој запис го пишувам во него (само изгледа испадна некој проблем и не можам директно да го залепам текстот овде (од .txt фајл) туку морам да го копирам текстот во некој Word процесор (како AbiWord) и да го копирам/пренесам од таму во полето Paste from Word во TinyMCE едиторот на WordPress (треба да кликнете на последното копче од првата линија за да ви излезе тоа поле)